Viðskiptavinir okkar fá afslátt af ýmsum öryggisvörum
Við erum til staðar þegar þú þarft á tryggingum að halda.
Það er bæði einfalt og þægilegt að tilkynna tjón til okkar á netinu. Það getur flýtt fyrir afgreiðslu málsins sem er í mörgum tilvikum sjálfvirkt.
Hér má finna lista yfir helstu verkstæði og aðra þjónustuaðila okkar vegna bílatjóna.
Fyrstu viðbrögð við tjóni geta skipt sköpum og því er gott að kynna sér hvernig skal bregðast við þegar tjón á sér stað.
Neyðarþjónusta Varðar er í síma 514-1099 ef um er að ræða tjón á húseign eða innbúi í kjölfar vatns eða bruna.
Ef um er að ræða slys erlendis skal hafa samband við SOS International í síma +45 38488210.
Vörður er í samstarfi við Aðstoð og Öryggi ehf. um aðstoð á vettvangi vegna umferðaróhappa á höfuðborgarsvæðinu.
Með forvörnum lágmörkum við líkur á óhöppum og slysum. Við viljum vinna markvisst að auknu öryggi á vinnustöðum, heimilum og í umferðinni. Þannig stöndum við vörð um heilsu og öryggi.
Hér finnur þú tjónstilkynningar á PDF formi fyrir allar gerðir tjóna.
Tjónagrunnurinn er sameiginlegur skráningar- og uppflettigrunnur tryggingafélaga sem hefur það að markmiði að stemma stigu við tryggingasvikum og ofgreiðslu vátryggingarbóta.
Margir kannast við að hafa fengið stein í framrúðuna á bílnum sínum. Ef viðgerð á rúðunni er möguleg greiðir Vörður viðgerðina að fullu og þú sparar þér eigin áhættu.
Ef slys verða á fólki.
Ef ökutæki er það skemmt að ekki er hægt að aka því, eða það skapar hættu fyrir aðra.
Ef grunur leikur á að umferðarlög hafi verið brotin, sbr. hraðakstur, ölvunarakstur eða ef öðrum ákvæðum umferðalaga er ekki framfylgt.
Athugaðu hvort slys hafi orðið á fólki, ef svo er skaltu hringja strax í 112.
Kveiktu á viðvörunarljósum og hugaðu að öryggi á slysstað.
Áður en ökutæki eru færð er gott að taka myndir af aðstæðum.
Árekstur.is - Aðstoð og Öryggi ehf. - 578-9090 veita aðstoð við tjónaskýrslu, myndatöku á vettvangi og senda skýrslu á tryggingafélög.
Tilkynntu tjón sem fyrst inni á Mínum síðum.
Góð lýsing og ítarlegar upplýsingar í tilkynningu flýta fyrir afgreiðslu málsins.
Ef slys er á fólki skal ávallt tilkynna það til okkar.
Árekstur.is - Aðstoð og Öryggi ehf. - 578-9090 veita aðstoð við tjónaskýrslu, myndatöku á vettvangi og senda skýrslu á tryggingafélög.
Ef þú vilt fá greiddar samkomulagsbætur læturðu meta tjónið á viðurkenndu verkstæði og tekur fram að þú óskir eftir bótum í stað viðgerðar. Þetta er gert svo varahlutir séu ekki pantaðir. Því næst sendirðu tölvupóst á tjon@vordur.is, óskar eftir samkomulagsbótum og lætur reikningsnúmer fylgja með.
Ef ökutæki er í eigu lánastofnunar, eða með veðbönd, þarf veðhafi að gefa leyfi svo tjónið verði greitt út. Lánastofnunin fær bæturnar, nema um annað sé samið.
Ef um kaskótjón er að ræða eru ekki greiddar samkomulagsbætur.
Ef það þurfti að draga ökutækið af tjónsstað munum við hafa samband við þig varðandi næstu skref. Ef þú heyrir ekki í okkur skaltu endilega senda skilaboð í gegnum netspjallið, eða hringja í síma 514-1000 og við aðstoðum þig.
Tjónamat þarf að fara fram á viðurkenndu verkstæði. Ef það er mögulegt að gera við ökutækið veitum við verkstæðinu samþykki og þú færð tíma í viðgerð.
Ef viðgerð borgar sig ekki munum við hafa samband við þig varðandi kaup á ökutækinu.
Eigin áhætta er skráð á vátryggingaskírteini ökutækis, sem þú finnur á Mínum síðum.
Engin eigin áhætta er í ábyrgðartjónum fyrir viðskiptavini í Grunni.
Ef skemmdin er minni en 100 krónu peningur og ekki í sjónlínu ökumanns eru góðar líkur á að hægt sé að gera við rúðuna.
Þurrkaðu yfir skemmdina og settu bílrúðulímmiða yfir brotið. Farðu svo eins fljótt og mögulegt er á næsta viðurkennda bílrúðuverkstæði.
Ef það er hægt að gera við rúðuna greiðir Vörður allan kostnað af viðgerðinni. Sem þýðir engin eigin áhætta og ekkert úr þínum vasa.
Þú tilkynnir bílrúðutjón inni á Mínum síðum.
Að því loknu færðu tjónsnúmer sem þú lætur viðgerðaraðilann hafa.
Næsta skref er að velja verkstæði, lista yfir viðgerðaraðila má finna hér.
Ef þú ert í Grunni áttu rétt á bílaleigubíl í A-flokki í allt að fimm daga á meðan viðgerð stendur. Ef þú vilt frekar fá greiddan afnotamissi (5.000 kr. á dag) skaltu senda tölvupóst á netfangið tjon@vordur.is að viðgerð lokinni. Þá liggur fyrir fjöldi daga sem bíllinn var á verkstæði og upphæðin reiknuð út frá því.
Premía viðskiptavinir Arion banka eiga rétt á bílaleigubíl í sama stærðarflokki og eigin bifreið, í allt að fimm daga á meðan viðgerð stendur.
Afnotamissir og afnot af bílaleigubíl miðast við eðlilegan viðgerðartíma. Ef um lengri tíma er að ræða skaltu hafa samband við okkur og við skoðum málið með þér.
Athugaðu að við greiðum ekki fyrir bílaleigubíl, eða afnotamissi, fyrir þann tíma sem viðgerð tefst, t.d. vegna óvenjulangs afhendingartíma varahluta.
Eigin áhættan í rúðuskiptum er 25% af heildartjóni.
Engin eigin áhætta er á rúðuviðgerðum.
Ef tilkynna á tjón á fyrirtækjabíl skal skrá sig inn á Mínar síður fyrirtækisins með kennitölu og lykilorði.
Ef þú ert ekki með lykilorð smellir þú á Vantar lykilorð? Lykilorðið verður þá aðgengilegt í heimabanka fyrirtækisins, undir rafræn skjöl.