Í neyðartilvikum og ef um alvarleg veikindi eða slys er að ræða skal hafa beint samband við neyðarþjónustu SOS International í síma 0045 3848 8210.

Hægt er að tilkynna tjón til SOS International með því að hringja eða fara í gegnum rafrænt ferli:

• Sími: 0045 3848 8210

• Netfang: [email protected]

• Veffang: www.sos.dk

• Hlekkur á rafrænt ferli: Create Case (sos.eu)

Ef upp koma alvarleg veikindi eða slys á ferðalagi erlendis ráðleggjum við þér að hafa strax samband við neyðarþjónustu SOS International í síma 0045 3848 8210.

Þjónusta SOS International felst meðal annars í því að veita ráðgjöf og eiga samskipti við sjúkrastofnanir og aðstandendur, auk þess að aðstoða við heimflutning ef þess gerist þörf.

Hjá SOS International er sólarhringsvakt þar sem sérþjálfað starfsfólk getur aðstoðað þig við að útvega lækni, sjúkrahúsvist og heimflutning.

Hægt er að tilkynna tjón til SOS International með því að hringja eða fara í gegnum rafrænt ferli:

• Sími: 0045 3848 8210

• Netfang: [email protected]

• Veffang: www.sos.dk

• Hlekkur á rafrænt ferli: Create Case (sos.eu)

Ef upp koma alvarleg veikindi eða slys á ferðalagi erlendis ráðleggjum við þér að hafa strax samband við neyðarþjónustu SOS International í síma 0045 3848 8210.

Ef leita þarf til sjúkrastofnunar vegna slyss eða veikinda gæti viðkomandi stofnun óskað eftir staðfestingu á ferðatryggingu. Hægt er að nálgast slíka staðfestingu á Mínum síðum.

Innan Evrópu getur þú í vissum tilvikum framvísað Evrópska sjúkratryggingakortinu. Hægt er að nálgast frekar upplýsingar um sjúkratryggingakortið á heimasíðu Sjúkratrygginga Íslands.

• Ath. Kortið gildir eingöngu hjá þjónustuaðilum innan hins opinbera sjúkratryggingakerfis EES landa.

Í tilvikum þar sem ekki er þörf á sjúkrahúsvist greiðir þú útlagðan kostnað og tilkynnir tjónið til Varðar við fyrsta tækifæri. Mikilvægt er að halda vel utan um allar kvittanir, reikninga, læknisvottorð og önnur sjúkragögn.

Mikilvægt er að halda vel utan um öll ferðagögn eins og farseðla, kvittanir og önnur gögn sem tengjast atvikinu.

Þegar þú tilkynnir okkur um slys eða veikindi erlendis þurfa eftirfarandi gögn að fylgja tjónstilkynningunni:

• Flugmiði eða ferðagögn.

• Sjúkragögn, t.d. vottorð frá lækni og/eða meðferðaraðila.

• Kvittanir fyrir útlögum kostnaði.

• Lögregluskýrsla ef það á við.

Komist þú ekki í fyrirhugaða ferð gætir þú átt rétt á endurgreiðslu á fyrirframgreiddum kostnaði vegna ferðarinnar.

Tilkynna þarf forföllin til ferðaskrifstofu/flugfélagsins og kanna rétt þinn til endurgreiðslu.

Tilkynntu atvikið sem fyrst inni á Mínum síðum. Mikilvægt að umbeðin gögn fylgi með tjónstilkynningunni:

• Flugmiði eða ferðagögn.

• Staðfesting á afbókun frá ferðaskrifstofu og upphæð endurgreiðslu.

• Staðfesting frá flugfélagi um að þú hafir ekki mætt í flug ef ekki tókst að afbóka.

• Greiðslukvittanir fyrir ferða- og gistikostnað.

• Læknisvottorð vegna veikinda eða slyss, þar sem eðli veikinda kemur fram.

• Önnur viðeigandi gögn eftir því sem við á, t.d. dánartilkynning.

Tilkynntu þjófnað/rán til lögreglu í viðkomandi landi sem allra fyrst, sem og til fararstjóra ef við á.

Mikilvægt er að fá afrit af lögregluskýrslu og öðrum gögnum sem tengjast málinu, þar sem þau gögn þurfa að fylgja tjónstilkynningu til okkar.

Tilkynntu tjón sem fyrst inni á Mínum síðum.

Ef farangur skemmist eða týnist í flugi er mikilvægt að fylla út staðfestingareyðublað á flugvellinum (PIR- Property Irregularity Report).

• Afrit af staðfestingunni þarf síðar að fylgja með tjónstilkynningunni til okkar.

Framvísa þarf sönnun um skemmda muni t.d. ljósmyndir.

Útbúa þarf lista yfir þá muni sem skemmdust og taka fram verðmæti þeirra.

• Þú gætir þurft að sýna fram á verðmæti muna með greiðslukvittunum.

Tilkynntu tjón sem fyrst inni á Mínum síðum. Mikilvægt er að láta öll nauðsynleg gögn fylgja, líkt og:

• Flugmiði og ferðagögn.

• Staðfesting frá flugvelli (PIR eyðublað).

• Lögregluskýrsla ef um þjófnað eða rán var að ræða.

Ef upp koma aðstæður í heimalandi sem valda því að þú verðir að fara strax heim, t.d. alvarleg veikindi, slys eða andlát náinna ættingja, þá gætir þú átt rétt á því að fá nýja heimflugið endurgreitt.

Eftirfarandi gögn þurfa að fylgja með tjónstilkynningunni:

• Flugmiði og ferðagögn vegna upprunalegu ferðarinnar.

• Flugmiði og ferðagögn vegna nýrrar heimferðar.

• Læknisvottorð ef um er að ræða ferðarof vegna slyss eða veikinda.

Ef innritaður farangur kemur ekki á áfangastað, hvort sem farangurinn er afhentur síðar eða týnist, þá átt þú hugsanlega rétt á bótum til kaupa á helstu nauðsynjum.

• Ath. Farangurstafatryggingin gildir ekki á heimleið.

Bætur vegna farangurstafar eru staðlaðar, þ.e. föst fjárhæð. Fjárhæðin fer eftir tegund tryggingar og lengd tafarinnar.

Ef veðurfar, verkfallsaðgerðir eða vélarbilun veldur a.m.k. 12 klukkustunda töf á brottför almenningsfaratækis, t.d. flugvélar, kannt þú að eiga rétt á bótum.

Tilkynntu tjón sem fyrst inni á Mínum síðum.

Mikilvægt er að láta öll nauðsynleg gögn fylgja með tjónstilkynningu:

• Flugmiði eða ferðagögn.

• Staðfesting frá flutningsaðila þar sem orsök og tímalengd tafar kemur skýrt fram.

Ef þú lendir í tjóni á bílaleigubíl sem þú ert með á leigu erlendis byrjar þú á því að tilkynna tjónið til bílaleigunnar.

Tilkynntu tjón sem fyrst inni á Mínum síðum.

Eftirfarandi gögn þurfa að fylgja með tilkynningunni:

• Afrit af leigusamningi við bílaleiguna.

• Afrit af tjónstilkynningu ökutækis og lögregluskýrsla ef við á.

• Afrit af tjónaskýrslu bílaleigunnar.

• Viðgerðarmat bílaleigunnar.

• Staðfesting á greiðslum vegna tjónsins.

• Flugmiði og/eða ferðagögn

Réttur þinn til bóta er metinn þegar tjónið hefur verið tilkynnt til okkar og fullnægjandi gögn hafa borist.

Við bendum þó á að þú fyrirgerir ekki bótarétti þínum ef þú þarft að stofna til kostnaðar til þess að lágmarka frekara tjón.

Upplýsingar um eigin áhættu er hægt að finna á Mínum síðum, t.d. með því að sækja ferðastaðfestingu.