Ef slys verða á fólki.

Ef ökutæki er það skemmt að ekki er hægt að aka því, eða það skapar hættu fyrir aðra.

Ef grunur leikur á að umferðarlög hafi verið brotin, sbr. hraðakstur, ölvunarakstur eða ef öðrum ákvæðum umferðalaga er ekki framfylgt.

Athugaðu hvort slys hafi orðið á fólki, ef svo er skaltu hringja strax í 112.

Kveiktu á viðvörunarljósum og hugaðu að öryggi á slysstað.

Áður en ökutæki eru færð er gott að taka myndir af aðstæðum.

Aðstoð og Öryggi ehf. - 578-9090 veita aðstoð við tjónaskýrslu, myndatöku á vettvangi og senda skýrslu á tryggingafélög.

Tilkynntu tjón sem fyrst inni á Mínum síðum.

Góð lýsing og ítarlegar upplýsingar í tilkynningu flýta fyrir afgreiðslu málsins.

Ef slys er á fólki skal ávallt tilkynna það til okkar.

Aðstoð og Öryggi ehf. - 578-9090 veita aðstoð við tjónaskýrslu, myndatöku á vettvangi og senda skýrslu á tryggingafélög.

Ef þú ert í Grunni áttu rétt á bílaleigubíl í A-flokki í allt að fimm daga á meðan viðgerð stendur. Ef þú vilt frekar fá greiddan afnotamissi (5.000 kr. á dag) skaltu senda tölvupóst á netfangið [email protected] að viðgerð lokinni. Þá liggur fyrir fjöldi daga sem bíllinn var á verkstæði og upphæðin reiknuð út frá því.

Afnotamissir og afnot af bílaleigubíl miðast við eðlilegan viðgerðartíma. Ef um lengri tíma er að ræða skaltu hafa samband við okkur og við skoðum málið með þér.

Athugaðu að við greiðum ekki fyrir bílaleigubíl, eða afnotamissi, fyrir þann tíma sem viðgerð tefst, t.d. vegna óvenjulangs afhendingartíma varahluta.

Ef þú vilt fá greiddar samkomulagsbætur læturðu meta tjónið á viðurkenndu verkstæði og tekur fram að þú óskir eftir bótum í stað viðgerðar. Þetta er gert svo varahlutir séu ekki pantaðir. Því næst sendirðu tölvupóst á [email protected], óskar eftir samkomulagsbótum og lætur reikningsnúmer fylgja með.

Ef ökutæki er í eigu lánastofnunar, eða með veðbönd, þarf veðhafi að gefa leyfi svo tjónið verði greitt út. Lánastofnunin fær bæturnar, nema um annað sé samið.

Ef um kaskótjón er að ræða eru ekki greiddar samkomulagsbætur.

Ef það þurfti að draga ökutækið af tjónsstað munum við hafa samband við þig varðandi næstu skref. Ef þú heyrir ekki í okk­ur skaltu endi­lega senda skilaboð í gegnum net­spjallið, eða hringja í síma 514-1000 og við aðstoð­um þig.

Tjóna­mat þarf að fara fram á við­ur­kenndu verk­stæði (linkur á lista yfir þjónustuaðila). Ef það er mögulegt að gera við ökutækið veitum við verk­stæð­inu samþykki og þú færð tíma í við­gerð.

Ef viðgerð borgar sig ekki mun­um við hafa sam­band við þig varð­andi kaup á öku­tæk­inu.

Eigin áhætta er skráð á vátryggingaskírteini ökutækis, sem þú finnur á Mínum síðum.

Eigin áhætta í ábyrgðartjónum er 45.800 kr. ef kostnaður við tjón sem þú veldur fer yfir 120.000 kr.

Engin eigin áhætta er í ábyrgðartjónum fyrir viðskiptavini í Grunni.

Ef skemmdin er minni en 100 krónu peningur og ekki í sjónlínu ökumanns eru góðar líkur á að hægt sé að gera við rúðuna.

Þurrkaðu yfir skemmdina og settu bílrúðulímmiða yfir brotið. Farðu svo eins fljótt og mögulegt er á næsta viðurkennda bílrúðuverkstæði.

Ef það er hægt að gera við rúðuna greiðir Vörður allan kostnað af viðgerðinni. Sem þýðir engin eigin áhætta og ekkert úr þínum vasa.

Þú tilkynnir bílrúðutjón inni á Mínum síðum.

Að því loknu færðu tjónsnúmer sem þú lætur viðgerðaraðilann hafa.

Næsta skref er að velja verkstæði, lista yfir viðgerðaraðila má finna hér.

Eigin áhættan í rúðuskiptum er 25% af heildartjóni.

Engin eigin áhætta er á rúðuviðgerðum.

Ef tilkynna á tjón á fyrirtækjabíl skal skrá sig inn á Mínar síður fyrirtækisins með kennitölu og lykilorði.

Ef þú ert ekki með lykilorð smellir þú á Vantar lykilorð? Lykilorðið verður þá aðgengilegt í heimabanka fyrirtækisins, undir rafræn skjöl.