Þarftu að rifja upp golfreglurnar?

Líkt og undanfarin ár býður Vörður og GSÍ þér í spennandi golfleik á golf.vordur.is þar sem þú getur látið reyna á þekkingu þínar á golfreglunum. Við gerðum stórar breytingar á leiknum í fyrra og bættum við skemmtilegum nýjungum eins og stigagjöf, tímatöku og fleira.

Að þessu sinni fengum við aftur með okkur golfdómara og bættum sömuleiðis við glænýjum spurningum.

Þau sem skrá sig til leiks fara í lukkupott og eiga möguleika á að vinna lúxus golfferð fyrir tvo á Fairplay golfhótelið á Spáni í boði Golfsögu og Verdi Travel.

Eignast þú flottasta flatarmerki á Íslandi?

Þau sem klára leikinn geta fengið hin eftirsóknarverðu Regluvarðar verðlaun, sem er líka flatarmerki. Merkið er ártalsmerkt og jafnframt staðfesting á því að þú sért með golfreglurnar á hreinu. Þú pantar peninginn við lok leiksins og færð hann sendan heima að dyrum með póstinum.

Golfleikur til gagns og gamans

Regluvörðurinn kemur nú út tólfta sumarið í röð og er hugsaður til gamans fyrir kylfinga og aðra áhugasama um golfíþróttina en auðvitað geta allir tekið þátt í leiknum. Í golfleiknum reynir á kunnáttu þína á golfreglunum og því hentar hann vel til upprifjunar á þeim. Regluvörðurinn hefur svo sannarlega fest sig í sessi hjá kylfingum og áhugafólki um golfíþróttina og þátttakendum fjölgar með hverju árinu.

Golfleiknum er jafnframt ætlað að vekja athygli á Golfvernd Varðar, sem er sérstök trygging fyrir kylfinga gegn þjófnaði á golfbúnaði og öðrum óvæntum atvikum utan vallar sem innan.

Traustur bakhjarl GSÍ

Vörður er traustur bakhjarl GSÍ með golfreglurnar. Golf byggist á nákvæmum og dálítið flóknum reglum. Það þarf stundum að láta reyna á reglurnar sem allir kylfingar ættu að hafa á hreinu. Golfreglur og tryggingaskilmálar eiga það sameiginlegt að fjalla af nákvæmni og í smáatriðum um atriði sem fæstir hugsa mikið um. Þegar á reynir er hins vegar gott að geta gripið í reglubókina!

Við vonum að allir kylfingar eigir ánægjulegar stundir á golfvellinum í sumar.

Þarf ég að tryggja mig í golfi?

Það er mikilvægt að hafa réttar tryggingar fyrir alla fjölskylduna hvort sem það er heima eða á golfvellinum.

Skoða nánar