Sérhver dagur á golfvellinum er óútreiknanlegur. Kylfingar þekkja það vel að allt getur gerst og að höggin enda ekki alltaf á brautinni. Stundum gerast hlutir sem ekkert „fore“ getur bjargað. Það er því gott að hafa góðar tryggingar þegar kemur að óhöppum, slysum og öðrum ófyrirséðum atvikum. Fjölskyldutrygging og Golfvernd veita góða vernd þegar á golfvöllinn er komið. 

Golfvernd er sérsniðin trygging fyrir óvænt atvik sem geta komið upp á golfvellinum. Hún gildir fyrir alla á heimilinu og inniheldur átta tryggingar sem veita vernd fyrir óhöppum, slysum, þjófnaði á búnaði og fleira. Þá gerir Golfvernd kylfingi kleift að gera vel við meðspilara sína fari hann holu í höggi.

Mörg tjón sem eiga sér stað úti á golfvelli eru tryggð í gegnum Heimilisverndina. Golfverndin er sérsniðin að því sem tengist golfiðkun. Ólíkt Heimilisvernd þá bætir Golfvernd meðal annars árgjaldið í klúbbinn, þjófnað úr settinu og þeim kostnað sem fylgir því að fara holu í höggi.

Við tryggjum ekki að þú farir holu í höggi en við tryggjum að þú getir gert vel við meðspilara þína þegar draumahöggið kemur. Golfvernd greiðir kylfingi 54.000 kr. fyrir sannarlegar holur í höggi. Þetta eru einu tjónin sem við viljum að viðskiptavinir okkar lendi í. Mikil gleði fylgir því að slá holu í höggi og við bætum þér kostnaðinn á 19. holunni með bros á vör.