Viðskiptavinir okkar fá afslátt af ýmsum öryggisvörum
Við erum til staðar þegar þú þarft á tryggingum að halda.
Tryggingin okkar veitir alla þá vernd sem hefðbundin sjúkdómatrygging býður upp á – og meira til.
Við vitum að fólk getur þurft á stuðningi að halda á öllum stigum lífsins. Þess vegna inniheldur tryggingin nú einnig meðgöngu- og foreldravernd ásamt frjósemisvernd.
Þannig getum við betur orðið að liði á mikilvægum mótunarárum fjölskyldunnar.
Einn af hverjum sex glímir við ófrjósemi.
Frjósemisvernd er ný viðbót við sjúkdómatrygginguna okkar, en hún styður við einstaklinga og pör sem þurfa aðstoð við að eignast barn.
Meðgöngu- og foreldravernd er ný viðbót sem ætlað er að styðja við verðandi og nýbakaða foreldra ef alvarleg atvik koma upp á meðgöngu eða í fæðingu.
Heimilisvernd er samsett trygging fyrir fjölskylduna og innbúið. Hægt er að velja um fjórar mismunandi tryggingar allt eftir þínum þörfum.
Víðtæk vernd sem greiðir bætur vegna tímabundinnar og varanlegrar skerðingar starfsorku í kjölfar veikinda eða slyss.
Styður við fjölskyldur komi til andláts og eykur þannig lífsgæði og fjárhagslegt öryggi þeirra sem eftir standa.
Sjúkdómatrygging veitir þér og fjölskyldu þinni fjárhagslega vernd komi til alvarlegra veikinda sem tryggingin tekur til.
Þú ákveður bótafjárhæð sjúkdómatryggingarinnar. Best er að fjárhæðin taki mið af tekjum þínum, skuldum og fjölskylduaðstæðum. Tryggingin þarf helst að geta bætt ígildi 2-3 ára nettólauna til viðbótar við samningsbundin réttindi launþega í veikindum. Þú getur hækkað vátryggingafjárhæðina ef þú eignast barn, ættleiðir barn eða kaupir íbúðahúsnæði án þess að skila inn nýjum heilsufarsupplýsingum.
Sjúkdómatrygging er flestum nauðsynleg óháð fjölskylduaðstæðum vegna þess að alvarleg veikindi gera ekki boð á undan sér.
Bætur sjúkdómatryggingar eru greiddar út í formi eingreiðslu og eru undanþegnar tekjuskatti. Aðeins er greitt einu sinni úr hverjum bótaflokki fyrir sig.
Sjúkdómatrygging greiðir þér bætur ef þú greinist með tiltekinn sjúkdóm. Hún gerir þér kleift að endurskipuleggja líf þitt og einbeita þér að ná heilsu á ný án þess að hafa áhyggjur af fjárhag heimilisins. Sjúkdómar sem falla undir sjúkdómatrygginguna eru taldir upp á upplýsingaskjali og í skilmálum tryggingarinnar.
Þeir sjúkdómar sem tryggingin tekur til eru flokkaðir í fimm bótaflokka;
Heilaáfall, lömun og málstol
Krabbamein
Tauga- og hrörnunarsjúkdóma
Hjarta og æðasjúkdómar
Aðra alvarlega sjúkdóma
Nánari útlistun má nálgast á upplýsingaskjali tryggingarinnar eða í skilmálum.
Einstaklingar á aldrinum 18-59 geta sótt um sjúkdómatryggingu og er gildistími hennar til 70 ára aldurs.
Bæturnar greiðast um tveimur vikum eftir að öll nauðsynleg og fullnægjandi gögn hafa borist tryggingafélaginu.
Sjúkdómatryggingin gildir hvar sem er í heiminum.
Iðgjaldafrelsi er viðbótarvernd inn í sjúkdómatryggingunni sem hægt er að velja á umsókn.
Það þýðir að ef þú verður óvinnufær, 50% eða meira getur þú sótt um að fá iðgjöld tryggingarinnar lækkuð eða felld niður. Niðurfelling iðgjalda getur að hámarki varað í 5 ár og miðast niðurfelling þeirra við hlutfall óvinnufærni.
Nánari skilgreiningu á iðgjaldafrelsi má finna í skilmála sjúkdómatryggingarinnar.
Iðgjald sjúkdómatryggingar tekur mið af vátryggingarfjárhæð og aldri. Við mat á henni er m.a. horft til aðstæðna þinna, s.s. til fjölskyldustærðar, fjárskuldbindinga og hversu lengi þú nýtur launatekna í veikindum. Þá geta ýmsir heilsufars- og lífsstílsþættir haft áhrif á iðgjaldið.
Hér má sjá til viðmiðunar þær reglur sem áhættumat er unnið eftir:
Frjósemisvernd
Ef tryggður greinist með ófrjósemi og gengst undir frjósemismeðferð.
Stuðningssamtöl
Tryggingin greiðir allt að fimm stuðningssamtöl vegna bótaskyldra atvika úr frjósemisvernd.
Frjósemisvernd
Frjósemismeðferðir af öðrum orsökum en ófrjósemi.
Ef tryggður er 40 ára eða eldri þegar greining er gerð eða frjósemismeðferð hefst.
Stuðningssamtöl
Tryggingin greiðir ekki fyrir viðtöl vegna áfalla eða sjúkdóma sem greindust áður en tryggingin tók gildi eða vernd hófst falla ekki undir bótagreiðslur.
Aukakostnað, svo sem ferðakostnað eða sambærilega útgjaldaliði.
Meðgöngu- og fæðingartengd atvik
Ef tryggður greinist með eitt af eftirfarandi á meðgöngu eða við fæðingu eru greiddar eingreiðslubætur 1.000.000 kr.:
Meðgöngueitrun
Utanlegsfóstur sem krefst aðgerðar
Missir á meðgöngu eftir 14+0 viku og þungunarrofs vegna staðfestrar greiningar á alvarlegu fósturfráviki
Alvarleg morgunógleði
Alvarleg blæðing eftir fæðingu ≥1.500 ml
Alvarleg spangarrifa (3. og 4. stigs)
Innvaxin fylgja
Fylgjulos
DIC (dreifð blóðstorknun)
Meðfætt heilsufarsástand barns
Ef barn tryggðs greinist með eitt af eftirfarandi við fæðingu eða á fyrsta ári ævi sinnar eru greiddar eingreiðslubætur 1.000.000 kr.
CP-heilalömun
Vatnshöfuð
Klofinn hryggur
Meðfæddir hjartagallar sem krefst skurðaðgerðar innan fyrstu 6 mánaða lífs barns
Holgómi og klofin vör sem krefst skurðaðgerðar eða sértækrar meðferðar
Alvarleg meðfædd byggingarfrávik í kviðvegg eða þind
Litningafrávik sem krefst langvarandi umönnunar
Klumbufótur eða alvarlegt útlimafrávik
Sjaldgæfir og lífshættulegir sjúkdómar sem uppfyllir 2 af 3 skilyrðum
Stuðningssamtöl vegna áfalla á barneignatímabil
Tryggingin veitir að hámarki fimm tíma stuðningssamtöl vegna eftirfarandi:
Bótaskylt atvik úr meðgöngu- og foreldravernd
Meðgöngu- og fæðingarþunglyndi
Missir á meðgöngu fyrir 14+0 viku
Erfið eða áfallatengd fæðingareynsla
Bráðakeisaraskurður
Ofbeldi í nánu sambandi
Afleiðingar leka á mænuvökva við mænudeyfingu (t.d. spinal höfuðverkur).
Mjög ótímabær fæðing, þ.e. barn fæðist fyrir 32. viku meðgöngutíma og hafi þurft innlögn á spítala eftir fæðingu vegna ótímabærs þroska.
Við missi á meðgöngu getur tryggður einnig óskað eftir stuðningssamtölum fyrir börn tryggðs að teknu tilliti til aldurs og aðstæðna.
Meðgöngu- og fæðingartengd atvik
Sjúkdóma eða kvilla sem voru til staðar áður en tryggingin tók gildi, þar á meðal greiningar eða einkenni sem má rekja til ástands sem hófst fyrir meðgöngu.
Þungunarrof af öðrum orsökum en læknisfræðilegum.
Önnur tilvik eða sjúkdómar sem ekki eru tilgreindir í skilmálum tryggingarinnar.
Sjúkdóma, líkamságalla eða annarra kvilla sem að einhverju leyti má rekja til neyslu áfengis, lyfja eða vímuefna.
Sjúkdóma sem eiga rót sína að rekja til fegrunar- eða lýtaaðgerða á meðgöngu.
Meðfætt heilsufarsástand barns
Heilsufarsástand barns sem var til staðar áður en tryggingin tók gildi, þar á meðal greiningar eða einkenni.
Tryggingarfjárhæðin er aðeins greidd fyrir eina af greiningunum sem taldar eru upp hér að neðan, jafnvel þó barnið sé með fleiri greiningar og jafnvel þó fleiri en eitt skírteini eru í gildi hjá tryggðum.
Skilyrði fyrir bótgreiðslum er að barnið lifi í 30 daga frá því að það greinist með sjúkdóm, aðgerð var framkvæmd eða annar tryggingaratburður átti sér stað.
Stuðningssamtöl vegna áfalla á barneignatímabili
Áfalla eða sjúkdóma sem hófust áður en tryggingin tók gildi eða verndin hófst.
Annarra atvika eða sjúkdóma en þeirra sem sérstaklega eru tilgreindir sem bótaskyld í þessum skilmálum.
Aukakostnaður, svo sem ferðakostnaður eða sambærilegir útgjaldaliðir, er ekki greiddur úr tryggingunni.
Bráð kransæðastífla/hjartadrep (Myocardial Infarction) samkvæmt nánari skilgreiningu í skilmálum.
Kransæðaskurðaðgerð/hjáveituaðgerð (Coronary Artery Bypass Surgery) samkvæmt nánari skilgreiningu í skilmálum.
Hjartalokuskurðaðgerð – lokuskipti eða viðgerð (Heart Valve Surgery) samkvæmt nánari skilgreiningu í skilmálum.
Ósæðarskurðaðgerð (Aorta Graft Surgery) samkvæmt nánari skilgreiningu í skilmálum.
Varðandi Bráð kransæðastífla/hjartadrep (Myocardial Infarction), er undanskilið hjartadrep án ST-hækkana (NSTEMI), með hækkun á Tróponíi I eða T ásamt öðrum bráðum kransæðatilfellum (acute coronary syndrome).
Varðandi Kransæðaskurðaðgerð/hjáveituaðgerð (Coronary Artery Bypass Surgery), er undanskilið aðrar aðgerðir sem ekki eru opnar, t.d. kransæðavíkkanir (PCI) og laseraðgerðir.
Varðandi Ósæðarskurðaðgerð (Aorta Graft Surgery) er undanskilið aðgerðir sem framkvæmdar eru á greinum ósæðar utan brjóst- eða kviðarhols.
Heilablóðfall/slag (Stroke).
Þverlömun (Paraplegia).
Málstol (Aphasia).
Varðandi Heilaáfall/slag (Stroke) er undanskilið skammvinnt blóðþurrðarkast í heila (TIA) og einkenni frá taugakerfi vegna mígrenis.
Varðandi Málstol (Aphasia) er undanskilið málstol sem á rætur að rekja til sálrænna kvilla.
Illkynja æxli sem einkennist af stjórnlausum vexti og dreifingu illkynja fruma ásamt ífarandi vexti í vefi.
Forstigseinkenni krabbameins.
Æxli sem eru staðbundin og ekki ífarandi (in situ).
Öll stig CIN (innanþekjuæxlisvaxtar í leghálsi).
Hodgkins-sjúkdómur á stigi 1.
Langvinnt eitilfrumuhvítblæði.
Æxli í blöðruhálskirtli á stigi T1 og Gleason-stigi 6 eða lægra.
Allar tegundir æxla þegar alnæmi er til staðar (HIV).
Kaposi‘s sarcoma.
Öll húðkrabbamein, önnur en illkynja, ífarandi sortuæxli.
Krabbamein sem greinist á fyrstu þremur mánuðum eftir gildistöku vátryggingarinnar.
MS (Multiple Sclerosis) samkvæmt nánari skilgreiningu í skilmálum.
MND fyrir 60 ára aldur (Alzheimer‘s Disease) samkvæmt nánari skilgreiningu í skilmálum.
Parkinsonveiki fyrir 60 ára aldur (Parkisons´s Disease) samkvæmt nánari skilgreiningu í skilmálum.
Varðandi Parkinsonsveiki (Parkinson’s Disease), undanskilið er Parkinsonsveiki sem er afleiðing misnotkunar áfengis eða vímuefna.
Góðkynja heilaæxli (Benign Brain Tumour).
Meiriháttar líffæraflutningur (Major Organ Transplantation).
Nýrnabilun (Kidney Failure) lokastig nýrnasjúkdóms.
Alvarleg brunasár (Third Degree Burns) þriðja stigs, sem þekja a.m.k. 20% af yfirborði líkamans.
Útlimamissir (Loss of Limbs) tveggja eða fleiri útlima.
Blinda (Blindness), varanleg og ólæknanleg sjónskerðing.
Eyðnismit við blóðgjöf, líkamsárás eða framkvæmd tiltekinna starfa (HIV Infection in blood transfusions, physical assaults, or in the performance of certain tasks).
Heyrnarleysi (Deafness) óafturkallanlegt samkvæmt nánari skilgreiningu í skilmálum.
Heilahimnubólga af völdum bakteríusýkingar (Bacterial Meningitis) samkvæmt nánari skilgreiningu í skilmálum. Alvarlegur höfuðáverki (Serious Head Wounds) samkvæmt nánari skilgreiningu í skilmálum.
Varðandi Góðkynja heilaæxli (Benign Brain Tumour), undanskilið eru blöðrur (cysts), hnúðar (granulomas), heilahimnuæxli (meningiomas), seilaræxli (chordomas), æðagallar í eða á slagæðum eða bláæðum og heilamar og æxli í heiladingli eða mænu.
Varðandi Eyðnismit (HIV), undanskilið er HIV-smit sem stafar af öðrum orsökum, þ.á.m. af kynferðislegum athöfnum eða eiturlyfjaneyslu.
Félagið greiðir iðgjald tryggingarinnar ef vátryggingartaki yngri en 65 ára fellur frá á gildístíma hennar.
Tryggingin þarf að hafa verið í gildi í 24 mánuði þegar andlátið ber að höndum.