fréttir

Vörður er Fyrirmyndarfyrirtæki í góðum stjórnarháttum

20. ágúst 2021

Vörður hefur fengið viðurkenningu sem fyrirmyndarfyrirtæki í góðum stjórnarháttum, þriðja árið í röð. Viðskiptaráð Íslands, Samtök atvinnulífsins, Nasdaq Íslandi og Stjórnvísi standa að baki viðurkenningunni. Hún þýðir að starfshættir stjórnar Varðar eru vel skipulagðir og þeir ásamt framkvæmd stjórnarstarfanna eru til fyrirmyndar.

Viðurkenningin byggir á úttekt á stjórnarháttum Varðar sem tekur mið af leiðbeiningum um góða stjórnarhætti, gefnum út af Viðskiptaráði Íslands, Samtökum atvinnulífsins og Nasdaq Íslandi. Stjórnvísi er umsjónaraðili viðurkenningarferlisins. Viðurkenningin er fyrst og fremst veitt til þess að ýta undir umræður og aðgerðir sem efla góða stjórnarhætti. Guðmundur Jóhann Jónsson, forstjóri Varðar, segir að þekking á góðum stjórnarháttum skili félaginu betri og faglegri stjórnarmönnum og stuðli að því að reksturinn sé byggður á faglegum forsendum. Aukin vitund góðra stjórnarhátta auki einnig fagleg vinnubrögð stjórnar, stuðli að skýrari verkaskiptingu og betri ákvarðanatöku. Viðurkenningin efli jafnframt traust og tiltrú almennings á félaginu.

author

Vörður tryggingar

20. ágúst 2021

Deila Frétt