Sumir hafa brugðið á það ráð að taka aukabirgðir af eldsneyti á brúsa og önnur ílát vegna fyrirhugaðra verkfallsaðgerða. Almennt mælum við ekki með að það sé gert vegna mengunar og eldhættu. 

• Eldsneytistankurinn á bílnum þínum er öruggasti geymslustaðurinn fyrir eldsneyti.

• Notaðu þar til gerða brúsa ef þú ert að geyma eldsneyti.

• Logavinna, neisti eða hitabreyting geta valdið eldi.

• Bensín og bensíngufur eru sérlega eldfimar.

• Dísel er líka eldfimt og mengunarhætta af báðum efnum.

Ef verkfall dregst á langinn er tilvalið að deila bíl með öðrum, nota almenningssamgöngur, ganga eða hjóla ef það er hægt. Svo kunnum við líka að vinna heima. Ekki hamstra, hugsum í lausnum og verum jákvæð