Ertu á leið í skíðaferð?
Skíðaferðir eru vinsælar á þessum árstíma og því gott að vita hvernig tryggingarnar þínar virka á skíðasvæðinu. Við höfum tekið saman nokkur gagnleg atriði fyrir skíðaferðina.
Spurt og svarað
Sjá allar spurningar- Er Slysatrygging í frítíma innifalin í Heimilisvernd?
Slysatrygging í frítíma er innifalin í Heimilisvernd 2, 3 og 4. Tryggingin nær yfir skíðaferðir, bæði innanlands og erlendis.
Slysatrygging í frítíma greiðir bætur vegna slysa sem verða í frítíma, meðal annars vegna tannbrots, örorku og dagpeninga.
Bótaupphæðir og skilyrði geta verið mismunandi milli Heimilisvernda. Við mælum með að skoða samanburð Heimilisvernda til að sjá hvað á við um þína tryggingu.
Er Ábyrgðartrygging innifalin í Heimilisvernd?Já, allar Heimilisverndir okkar innihalda Ábyrgðartryggingu.
Ábyrgðartrygging getur komið að góðum notum á skíðasvæðum erlendis, þar sem tryggingin tekur til tjóns sem tryggingartaki veldur öðrum vegna óhapps.
Skíðafólk þarf oft að framvísa staðfestingu á Ábyrgðartryggingu þegar ferðast er til skíðasvæða erlendis. Á Ítalíu er til dæmis gerð krafa um slíka tryggingu.
Eru ferðatryggingar innifaldar í Heimilisvernd?Í Heimilisvernd 2, 3 og 4 eru ýmsar ferðatryggingar í boði sem valkvæðar viðbætur, meðal annars Farangurstrygging, Forfallatrygging og Ferðarofstrygging.
Við bendum á að skoða hvaða ferðatryggingar geta átt við þína Heimilisvernd á Mínum síðum.
Er ég með ferðatryggingu á kreditkortinu mínu?Vörður gefur út ferðatryggingar fyrir kreditkorthafa Arion banka og Landsbankans. Mikilvægt er að kynna sér hvaða tryggingar fylgja kortinu áður en lagt er af stað í ferðalag.
- Hvernig ferðatryggingar eru á kreditkortinu mínu?
Það fer eftir hvaða kreditkort þú ert með og hjá hvaða banka. Við mælum með að skoða upplýsingarnar fyrir hvert kort hér.
Ferðatryggingar sem geta fylgt kreditkortum eru meðal annars Sjúkratrygging, endurgreiðsla ferðar og Farangurstrygging.
Ætti ég að vera með ferðatryggingar í gegnum bæði Heimilisvernd og kreditkort?Ferðatryggingar í Heimilisvernd og á kreditkortum eru mismunandi víðtækar og geta verið háðar ólíkum skilyrðum og skilmálum. Því getur verið gagnlegt að skoða hvaða tryggingar fylgja hvorri vörunni fyrir sig.
Í sumum tilfellum getur verið hagkvæmt að hafa ferðatryggingu bæði í Heimilisvernd og á kreditkorti, sérstaklega ef um er að ræða umfangsmikið tjón þar sem tryggingarnar geta tekið á mismunandi þáttum.
Við mælum með að skoða skilmála beggja trygginga til að sjá hvað hentar þínum ferðalögum.
Er skíðabúnaðurinn minn tryggður?Skíðabúnaður telst hluti af innbúi og er því tryggður í ferðatryggingu bæði í Heimilisvernd og í kortatryggingu, rétt eins og annar farangur sem þú tekur með þér í ferðalag.
Ef þú ert með mjög dýran skíðabúnað er best að hafa samband við okkur, og við skoðum málið saman.
Ferðatrygging í Heimilisvernd
Viðbót við Heimilisvernd sem veitir víðtæka vernd á ferðalögum erlendis og tekur á öllum helstu bótaþáttum sem þörf er á.
Slysatrygging í frítíma
Greiðir bætur vegna slyss í frítíma, við heimilisstörf eða nám.
Ábyrgðartrygging
Greiðir tjón sem þú eða aðrir sem falla undir trygginguna eru gerðir ábyrgir fyrir.
ValkvættFarangurstöf
Greiðir bætur vegna tafar á afhendingu farangurs.
ValkvættFarangurstrygging
Greiðir bætur vegna tjóns á farangri á ferðalagi erlendis.
ValkvættFerðaslysatrygging
Greiðir bætur vegna slysa og veikinda á ferðalagi erlendis.
ValkvættForfallatrygging
Greiðir andvirði fyrirframgreiddrar ferðar ef sá sem tryggður er kemst ekki í ferðina.
ValkvættInnbúskaskó
Greiðir bætur vegna skyndilegra tjóna á innbúi og persónulegum munum.
Kortatryggingar Arion banka
Vörður gefur út ferðatryggingar fyrir kreditkorthafa Arion banka. Mikilvægt er að kynna sér þær tryggingar sem fylgja kortunum áður en lagt er af stað í ferðalag.
Samanburður kortatrygginga
Hér má nálgast samanburð ferðatrygginga milli kortategunda Arion banka.
Almennt kort
Kreditkort með einfaldar grunnferðatryggingar.
Bláa kortið
Kreditkort með grunnferðatryggingar.
Gullkort
Kreditkort með Gull ferðatryggingar.
Gull viðskiptakort
Kreditkort með Gull ferðatryggingar.
Platinum kort
Kreditkort með víðtækar Platinum ferðatryggingar.
Premium World kort
Kreditkort með víðtækar Premium ferðatryggingar.
Premía kort
Kreditkort með víðtækar Premía ferðatryggingar.
Kortatryggingar Landsbankans
Vörður gefur út ferðatryggingar fyrir kreditkorthafa Landsbankans. Mikilvægt er að kynna sér þær tryggingar sem fylgja kortunum áður en lagt er af stað í ferðalag.
Samanburður kortatrygginga
Hér má nálgast samanburð ferðatryggina milli kortategunda Landsbankans.
Almennt kort og Plúskort
Kreditkort með grunnferðatryggingum
Gullkort
Kreditkort með Gull ferðatryggingum.
Viðskiptakort
Kreditkort með Gull ferðatryggingum og bílaleigutryggingum.
Platinum kort
Kreditkort með Platinum ferðatryggingum og bílaleigutryggingum.
Premium kort og Premium vildarviðskiptakort
Kreditkort með Premium ferðatryggingum og bílaleigutryggingum.
Hvernig forðumst við skíðaslys?
Notaðu hjálm: Hjálmar draga úr líkum á höfuðáverkum. Gakktu úr skugga um að hjálmurinn passi þér vel og sé rétt stilltur.
Taktu skíðatíma: Ertu byrjandi, eða er langt síðan þú fórst síðast á skíði? Góð ráð frá kennara geta dregið úr hættu á slysum og bætt öryggi í brekkunni.
Virtu skíðareglurnar: FIS-reglur Alþjóða skíðasambandsins eru til að vernda þig og aðra. Gott er að kynna sér reglurnar áður en haldið er í fjallið.
Þekktu þín takmörk: Veldu brekkur sem henta þinni skíðafærni. Mörg slys verða þegar fólk reynir við of erfiðar og brattar leiðir miðað við getu. Mundu líka að taka hlé og hvíla þig reglulega.
Hitaðu upp: Upphitun dregur úr líkum á tognunum og vöðvameiðslum. Nokkrar mínútur í létta upphitun geta skipt miklu máli.
Notaðu sólarvörn og sólgleraugu: Endurvarp sólar í snjónum getur verið sterkt og valdið óþægindum fyrir bæði augu og húð. Það borgar sig því að vera vel undirbúinn.
Ef þú ert með einhverjar spurningar um skíðaferðir og tryggingar, þá erum við hér til að hjálpa. Hafðu endilega samband í netspjalli, á [email protected] eða í síma 514 1000.