Ökutækjatrygging er samsett af ábyrgðartryggingu og slysatryggingu ökumanns og eiganda. Ábyrgðartrygging bætir tjón á mönnum og munum sem ökutækið veldur. Slysatrygging bætir tjón vegna slyss ökumanns, sem veldur tjóni og einnig slysatjón eiganda ökutækis ef hann slasast sem farþegi í eigin ökutæki.

Kaskótrygging bætir skemmdir á ökutæki komi til tjóns sem eigandi sjálfur ber ábyrgð á eða ef ökutækið verður fyrir utanaðkomandi tjóni. Sá sem kaupir slíka tryggingu hefur val um eigin áhættu og greiðir hana ef bíllinn skemmist og tryggingafélagið borgar það sem eftir stendur.

Rúðutrygging bætir brot á bílrúðu ásamt ísetningarkostnaði. Eigin áhætta í rúðutryggingu er 25% í hverju tjóni en sé gert við bílrúðuna í stað þess að skipta henni út er eigin áhætta engin.

Tryggingin gildir á Íslandi, í öðrum aðildarríkjum EES, Bretlandi og í Sviss. Skilyrði er að sækja alþjóðlegt vátryggingakort fyrir ökutæki, sem kallast „græna kortið“.

Skráningarskylt ökutæki er bifreið, bifhjól, torfærutæki, dráttarvél, eftirvagn bifreiðar eða dráttarvélar sem gerður er fyrir meira en 750 kg heildarþyngd, hjólhýsi og tjaldvagn. Skylt er að skrá ökutæki áður en það er tekið í notkun.

Þú lætur okkur vita þegar þú hefur afskráð ökutæki og þá er trygging felld frá afskráningardegi, þetta á við um lögboðnar ökutækjatryggingar og frjálsar tryggingar eins og kaskó.

Ef númer eru lögð inn án afskráningar er kaskótrygging ekki sjálfkrafa felld niður, enda bætir trygging allskyns tjón sem geta átt sér stað þrátt fyrir að númer séu innlögð, t.d. skemmdarverk, óveður og þjófnað.