Innbú er einfaldlega regnhlífarhugtak sem nær utan um allar persónulegar eigur þínar á heimilinu: fatnað, snyrtivörur, snjallsíma og önnur tæki. Einnig hljóðfæri, listaverk, skrautmuni, bækur og hljómplötur, útivistar- og íþróttabúnað – og í raun allt það sem þú myndir taka með þér við flutninga. 

Eftir því sem tíminn líður þá er viðbúið að fjölskyldan þurfi að bæta ýmsu við, svo sem fatnaði, húsgögnum og tækjum. Eftir því sem hlutunum fjölgar gerum við okkur síður grein fyrir heildarverðmæti þeirra – fyrr en eitthvað kemur fyrir. Þess vegna mælum við með því að þú farir reglulega yfir eigur þínar og þau verðmæti sem leynast á heimilinu.

Hér eru nokkur góð ráð til að fylgja

• Taktu myndir eða myndband af þeim hlutum sem þér bæði þykir vænt um og eru verðmætir. Við mælum með að fara í gegnum hvert herbergi og taka geymsluna síðast.

• Skrifaðu niður lista yfir alla hlutina hér í fyrsta lið og áætlaðu verðmæti hvers hlutar í krónum talið, til dæmis með því að skoða hvað sambærilegur hlutur kostar í dag.

• Haltu vel utan um verðmætari hluti líkt og skartgripi, málverk, o.fl. Þú gætir viljað tryggja þá sérstaklega.

• Taktu saman allar nótur og kvittanir sem tengjast dýrum hlutum – það hjálpar að eiga nóturnar ef hlutirnir verða fyrir tjóni. Við mælum enn fremur með því að taka myndir af nótunum því að þær afmást oft með tímanum.

• Margir bankar bjóða einnig upp á að hengja kvittanir við kortafærslur í öppum sínum með því að taka myndir af þeim. 

• Að lokum skaltu áætla heildarupphæð allra þeirra verðmæta sem felast í innbúinu. Þá tölu notarðu svo sem innbúsverðmæti á heimilistrygginguna.

Auðvitað, til þess erum við! Rafræni ráðgjafinn getur til dæmis komið með tillögur að innbúsverðmæti sem miðast við stærð fjölskyldunnar og stærð húsnæðis. Við mælum samt alltaf með því að fólk fari sjálft vel yfir innbúið og beri saman við tillöguna.