Fyrsta stóra lægð haustsins er um helgina og má búast við miklum vindum á Suðurlandi. Þá sérstaklega á höfuðborgarsvæðinu, Suðurnesjum, Akranesi og Borgarnesi. Versta veðrið verður seint á föstudag og aðfararnótt laugardags þar sem vindstyrkur getur náð upp í 18-20 metra á sekúndu.

Við hvetjum viðskiptavini til þess að fylgjast vel með veðurspám og færð um helgina. Notum tímann áður en veðrið skellur á og göngum frá öllum lausum hlutum svo þeir fjúki ekki út í veður og vind. Munum sérstaklega eftir að ganga frá trampólínum, grillinu og nýju fínu ruslatunnunum.

Gott að hafa í huga fyrir rok

• Gangið úr skugga um að ruslatunnur fjúki ekki upp og af stað. Bindið lokin niður og komið tunnum í skjól því við viljum ekki þær fjúki á bíla eða hús.

• Trampólín, útihúsgögn, og grill fara gjarnan af stað í roki.

• Fullvissið ykkur um að öllum gluggum og hurðum sé tryggilega lokað.

• Fylgist með veðri og tilkynningum.

Upp­lýs­ing­ar má sjá á vef Bliku, Veður­stof­unn­ar og Vega­gerðar­inn­ar.

Viðbrögð við tjóni

• Mundu ef þetta er neyðartilvik að hafa strax samband við 112.

• Ef ekki skaltu gera þær ráðstafanir, sem nauðsynlegar eru, til að draga úr tjóni sé þess nokkur kostur en farið jafnframt að öllu með gát.

• Þegar þú hefur brugðist við þá er næsta skref að tilkynna tjónið hjá okkur.

• Að senda myndir með tjónstilkynningu getur flýtt fyrir afgreiðslu.

• Mat á umfangi tjóns eða viðgerðar hefst ekki fyrr en veðrinu hefur slotað. Það þarf að vera óhætt fyrir almenning að vera á ferðinni svo að tjónaskoðunarmenn komist á staðinn.

• Eftir að tjón hefur verið tilkynnt hafa starfsmenn samband við fyrsta tækifæri til að hefja úrvinnslu málsins.

Sé brýn neyð á aðstoð vegna tjóns bendum við á neyðarsímann 514 1099 sem opin er allan sólarhringinn.

Einfaldari tjónstilkynningar

Ef þú þarft að tilkynna tjón er einfaldast að gera það hér á vefnum. Það hefur aldrei verið einfaldara.

Byrja