Arion samstæðan
Arion banki, Vörður tryggingar og sjóðastýringarfélagið Stefnir mynda kjarnann í Arion samstæðunni og þeirri þjónustu sem við bjóðum viðskiptavinum okkar.
Viðskiptavinir okkar fá afslátt af ýmsum öryggisvörum
Við erum til staðar þegar þú þarft á tryggingum að halda.
Arion banki, Vörður tryggingar og sjóðastýringarfélagið Stefnir mynda kjarnann í Arion samstæðunni og þeirri þjónustu sem við bjóðum viðskiptavinum okkar.
Náið og traust samstarf félaganna leiðir til þess að við getum boðið einstaklingum, fyrirtækjum og fjárfestum fjölbreyttar og snjallar fjármálalausnir sem efla fjárhagslegt heilbrigði og stuðla að sjálfbærri verðmætasköpun.
Vörður er alhliða vátryggingafélag sem leggur áherslu á einfalda og þægilega tryggingaþjónustu með ánægju viðskiptavina að leiðarljósi. Félagið leggur áherslu á að vera til staðar fyrir samfélagið og tryggja betri vernd með nýrri nálgun.
Arion banki eignaðist Vörð árið 2016 og sameinaði Okkar líftryggingum árið 2017. Skrifstofur Varðar eru í höfuðstöðvum Arion og er þjónusta félagsins aðgengileg í Arion appinu og sameiginlegum útibúum Arion banka og Varðar.
Stefnir hf. er rótgróið íslenskt sjóðastýringarfyrirtæki sem var stofnað árið 1996. Hlutverk félagsins er að stýra fjármunum í eigu viðskiptavina með hagsmuni þeirra að leiðarljósi. Stefnir hefur um margra áratuga skeið verið í fararbroddi eignastýringarfélaga á Íslandi þegar kemur að vöruþróun í sjóðastýringu.
Sjóðir félagsins fjárfesta bæði hérlendis og erlendis á hlutabréfa- og skuldabréfamörkuðum sem og á peningamarkaði. Stefnir er með starfsstöð í höfuðstöðvum Arion.
Landey ehf. er fasteignaþróunarfélag í eigu Arion banka hf. Landey hefur frá stofnun árið 2009 komið að eignarhaldi á ýmsum fasteignum og þróunarverkefnum.
Núverandi eignir félagsins eru lóðir og fasteignir á Blikastaðalandi, við Þrastarhöfða í Mosfellsbæ. Markmið Landeyjar er að auka verðmæti eigna sinna með þróun og uppbyggingu svæða.
Leiguskjól ehf. er fjártæknifélag sem býður viðskiptavinum sínum húsaleiguábyrgðir frá Arion banka auk annarrar virðisaukandi þjónustu og rekur einnig leiguvefinn www.myigloo.is. Arion banki á 51% hlut í Leiguskjóli ehf.
Leiguskjól er dæmi um samstarfsaðila sem bankinn hefur valið að starfa með og styður við þjónustu bankans. Leiguskjól tók þátt í Startup Reykjavík hraðlinum árið 2018. Þar hófst fjárfesting bankans í félaginu þegar bankinn eignaðist 6% hlut. Á árinu 2019 gerði bankinn samstarfssamning við félagið ásamt því að auka við fjárfestingu sína í félaginu og á bankinn nú 51% hlut.