Slysatrygging 2
Upplýsingaskjal þetta tilgreinir einungis helstu atriði tryggingarinnar, s.s. hvað er innifalið og hvað ekki. Ekki er um að ræða tæmandi upptalningu né persónulegt yfirlit yfir tryggingar sem viðskiptavinir velja. Upplýsingaskjalið hefur ekki lagalega þýðingu og gegnir eingöngu þeim tilgangi að upplýsa viðskiptavini um helstu þætti tryggingarinnar. Tryggingayfirlit og nákvæmar upplýsingar um samningsskilmála sem gilda eru aðgengilegar á vátryggingarskírteini tryggingarinnar sem hægt er að nálgast á Mínum síðum Varðar. Skilmálar tryggingarinnar hafa að geyma tæmandi upplýsingar um vátryggingarverndina og eru hluti af samningi aðila ásamt vátryggingarskírteini.
Hvernig trygging er Slysatrygging 2?
Almenn slysatrygging 2 er fjárhagsleg vernd fyrir fjölskyldu vátryggðs ef hann lætur lífið af slysförum eða býr við 70% varanlega örorku eftir slys. Tryggingin er samsett trygging með dánar- og örorkubótum vegna slyss.
Tryggingin bætir
Varanlega læknisfræðilega örorku af völdum slyss sem nær 70%.
Dánarbætur vegna slyss.
Tryggingin bætir ekki
Slys sem vátryggður verður fyrir í handalögmáli, við þátttöku í refsiverðum verknaði, undir áhrifum deyfi- og/eða fíkniefna eða í ölæði, nema sannað sé að ekkert samband hafi verið milli ástands þessa og slyssins.
Slys sem verða við fjallaklifur, bjargsig, hnefaleika, glímu- og bardagaíþróttir, akstursíþróttir, fallhlífarstökk og froskköfun.
Slys sem verða vegna meðvitaðrar háttsemi, ásetnings eða stórkostlegs gáleysis vátryggðs.
Sjálfsvíg eða sjálfsvígtilraun sem rakin verður til geðrænna sjúkdóma.
Eru einhverjar takmarkanir eða varúðarreglur?
Vátryggðum ber að kynna sér skilmála tryggingarinnar.
Við greiðslu bóta vegna varanlegrar læknisfræðilegrar örorku og dánarbóta fellur vátryggingin úr gildi.
Vátryggðum ber að fylgja varúðarreglum Varðar.
Hvar gildir tryggingin?
Vátryggingin gildir á Norðurlöndunum. Nánari upplýsingar um gildissvið má finna í skilmála tryggingarinnar.
Hverjar eru helstu skyldur þess tryggða?
Svara öllum spurningum Varðar vegna áhættumats rétt og af heiðarleika.
Veita allar nauðsynlegar upplýsingar, hvort sem er við endurnýjun, breytingar á tryggingunni eða við tjónstilkynningu.
Tilkynna um tjón við fyrsta hentugleika og eigi síðar en innan árs frá tjónsatburði.
Tilkynna ber með skriflegum hætti breytingu sem verður á búsetu vátryggðs.
Hvenær og hvernig er greitt fyrir trygginguna?
Iðgjöld tryggingarinnar ber að greiða á gjalddaga. Við endurnýjun hækkar ársiðgjaldið í samræmi við breytingu á vísitölu frá grunnvísitölu samnings. Vörður sendir kröfur mánaðarlega í heimabanka eða árlega ef óskað er eftir því að greiða iðgjöld í einu lagi. Hægt er að breyta greiðslumáta á Mínum síðum Varðar. Þar er einnig hægt að velja að greiða iðgjöld með kreditkorti.
Hvenær hefst tryggingarverndin og hvernig lýkur henni?
Tryggingarsamningar gilda almennt í 12 mánuði frá samþykkt tilboðs og útgáfu tryggingar og miðast iðgjöld við ársiðgjald. Sé tryggingu ekki sagt upp á því tímabili framlengist hún sjálfkrafa.
Hvernig er tryggingunni sagt upp?
Viðskiptavinir geta sagt tryggingunni skriflega upp hvenær sem er á vátryggingartímabilinu. Iðgjald skal greitt fyrir það tímabil sem félagið er í ábyrgð samkvæmt vátryggingunni.