Fyrirmyndarþjónusta

Fyrirmyndarþjónusta Varðar er verkefni sem ætlað er að skapa víðtæka þjónustumenningu meðal starfsfólks og skapa félaginu þannig sérstöðu á markaði þegar kemur að þjónustu við viðskiptavini.

Eitt af hlutverkum Varðar er að veita lipra og ábyggilega þjónustu með einfaldleika að leiðarljósi og er verkefnið „Fyrirmyndarþjónusta“ einn liður í því að styrkja starfsemina í takt við skilgreint hlutverk.

Til að veita fyrirmyndarþjónustu höfum við gildi fyrirtækisins ávallt að leiðarljósi í öllum okkar störfum.

Við eigum frumkvæði að því að veita fyrirmyndaþjónustu með því að vera lipur og jákvæð og leysa erindi viðskiptavina eins fljótt og vera má. Við leitumst við að hafa þekkingu og skilning á þörfum viðskiptavina og veitum þeim viðeigandi upplýsingar og ráðgjöf er varða málefni þeirra hjá félaginu á hverjum tíma.

Við temjum okkur snerpu og öguð vinnubrögð. Það er nauðsynlegt að erindum sé sinnt fljótt og vel og að við sýnum nákvæmni í öllum vinnubrögðum.

Samskipti okkar við viðskiptavini eiga að helgast af heilindum þannig að hagur beggja sé tryggður.