Eftirfarandi stefna tekur til Arion samstæðunnar, þ.e. Arion banka, Stefnis og Varðar, en saman veitir Arion samstæðan íslensku samfélagi alhliða fjármálaþjónustu. Í stefnunni er sameiginlega vísað til félaganna þriggja sem Arion.

Arion leggur mikla áherslu á að samskipti á vinnustaðnum einkennist af gagnkvæmri virðingu og að starfsfólki líði vel. Einelti, kynbundin og kynferðisleg áreitni, sem og annað ofbeldi (hér eftir nefnd EKKO) verður undir engum kringumstæðum umborin á vinnustaðnum enda er slík hegðun, lögum samkvæmt, óheimil á vinnustöðum.

Með forvarnar- og viðbragðsáætlun í EKKO málum, vill Arion tryggja sálfélagslegt og líkamlegt öryggi starfsfólks síns. Að auki er markmið stefnunnar að stuðla að forvörnum, viðeigandi verkferlum og úrræðum í samræmi við ákvæði laga nr. 46/1980 um aðbúnað, hollustuhætti og öryggi á vinnustöðum og reglugerðar nr. 1009/2015 um aðgerðir gegn EKKO á vinnustöðum.

Ítarlegri upplýsingar um stefnuna og úrræði eru aðgengilegar starfsfólki.