Viðbrögð við tjóni

Hægt er að hafa samband við tjónadeild Varðar í síma 514-1000 alla virka daga frá 08:30 – 16:30 eða heimsækja Vörð í Borgartún 25. Í neyðartilfellum má hafa samband við neyðarvakt Varðar utan skrifstofutíma í síma 514-1099. Einnig er unnt að senda inn fyrirspurn í tölvupósti, tjon@vordur.is, og tilkynna tjón á heimasíðu félagsins.

EIGNATJÓN

  • Gera þarf þær ráðstafanir, sem nauðsynlegar eru, til að draga úr tjóni sé þess nokkur kostur en farið jafnframt að öllu með gát.

  • Tilkynnið lögreglu þegar í stað um innbrot, þjófnað og skemmdarverk. Næsta skref er að tilkynna Verði um tjónið.

  • Starfsmenn Varðar veita vátryggingartaka alla þá aðstoð og þær leiðbeiningar sem þörf er á hverju sinni.

  • Ekki hefja viðgerð fyrr en tjón hefur verið tilkynnt Verði og tjónaskoðunarmaður hefur skoðað og metið skemmdirnar.

  • Ekki henda skemmdum munum nema með samþykki félagsins.

  • Ekki viðurkenna bótaskyldu eða bótakröfu ef þú hefur valdið öðrum tjóni án þess að hafa samband við Vörð.

  • Vörður mun fjalla um kröfuna og svara fyrir þína hönd.

ÖKUTÆKJATJÓN

  • Mundu að gera skýrslu um umferðaróhapp strax á staðnum.

  • Skilaðu þínu eintaki af tjónstilkynningu sem fyrst til Varðar.

  • Ef lögreglan kom á vettvang sendir hún skýrslu sína beint til Varðar.

  • Eftir að skýrsla hefur borist Verði, getur þú getur látið meta tjónið á viðurkenndu verkstæði sem kemur síðan upplýsingum um tjónið til Varðar.

SLYS OG SJÚKDÓMAR

  • Við ráðleggjum þér að leita til læknis strax eftir slys.

  • Slys eða veikindi skal tilkynna Verði þegar í stað.

  • Sé um umferðarslys að ræða er nauðsynlegt að gefa skýrslu um slysið hjá lögreglu og tilkynna það jafnframt til Varðar.

  • Ef um vinnuslys er að ræða ber vinnuveitanda að tilkynna það lögreglu og Vinnueftirliti ríkisins eins fljótt og unnt er.

  • Mikilvægt er að vanda vel til skýrslugerðar vegna slyss þannig að upplýsingar séu réttar og nákvæmar.