Við leitum að drífandi og skemmtilegum einstaklingi í stjórnendateymi tjónaþjónustunnar. Um er að ræða spennandi starf sem felst í því að stýra nýju og sameinuðu teymi þeirra sem þjónusta viðskiptavini sem lenda í ökutækjatjónum. Viðkomandi mun heyra undir forstöðumann eignatjóna og vera hluti af öflugu stjórnendateymi Varðar. Í tjónaþjónustu Varðar starfar öflugur hópur fólks með breiðan bakgrunn og þekkingu og hefur það megin markmið að þjónusta viðskiptavini sem lenda í tjónum á framúrskarandi hátt.

Helstu verkefni:

• Dagleg stjórnun og skipulag teymis

• Þjónusta til viðskiptavina

• Tjónamat og ákvörðun bótaskyldu ásamt kostnaðarmati og uppgjöri

• Umsjón, samningagerð og samskipti við verkstæði

• Gerð verkferla og tryggir skilvirkni í vinnslu

• Yfirumsjón með umbótaverkefnum teymisins, drífur þau áfram og ryður hindrunum úr vegi

• Þátttaka í stefnumótandi verkefnum

Hæfniskröfur:

• Leiðtogahæfni, jákvæðni og drifkraftur

• Skipulögð og sjálfstæð vinnubrögð, frumkvæði og gagnrýnin hugsun

• Framúrskarandi þjónustulund og hæfni í mannlegum samskiptum

• Jákvætt hugarfar og vilji til að vera hluti af samhentu teymi

• Reynsla af störfum í þjónustu, stjórnun mannauðs og störfum innan trygginga er æskileg

• Menntun sem nýtist í starfi

Við bjóðum uppá frábæra vinnuaðstöðu í höfuðstöðvum okkar í Borgartúni. Þar má finna mötuneyti í heimsklassa, líkamsræktarsal í húsinu, öflugt starfsmannafélag og skemmtilegan og góðan starfsanda.

Nánari upplýsingar um starfið veita Hrönn Vilhjálmsdóttir, forstöðumaður eignatjóna, netfang [email protected] og Thelma Lind Steingrímsdóttir, mannauðsráðgjafi, netfang [email protected].

Umsóknarfrestur er til og með 26. janúar nk.