Vörður

fréttir -

6. nóv 2019

Vörður fær viðurkenningu Jafnvægisvogar FKA

Vörður hefur hlotið viðurkenningu Jafnvægisvogarinnar 2019. Félag kvenna í atvinnulífinu, ásamt samstarfsaðilum úr forsætisráðuneytinu og viðskiptalífinu standa að hreyfiaflsverkefninu Jafnvægisvogin. Á ráðstefnunni Jafnrétti sem haldin var 5. nóvember sl. voru viðurkenningar veittar í fyrsta sinn til sextán fyrirtækja og tveggja sveitarfélaga.

Fyrirtæki að ná árangri um jöfnun kynjahlutfalls Jafnvægisvogin veitti viðurkenningarnar úr hópi aðila sem undirrituðu viljayfirlýsingu á síðasta ári um að vinna að því að jafna hlutfall karla og kvenna í framkvæmdastjórnum fyrirtækja á Íslandi og styðja við innleiðingu á kynjakvóta í stjórnum hlutafélaga. Markmiðið er að árið 2027 verðu kynjahlutfallið 40/60 í framkvæmdastjórnum fyrirtækja á Íslandi. Stór hluti fyrirtækjanna hafa náð góðum árangri á þessu sviði og fjölgaði þeim sem náðu markmiðinu. Samkvæmt nýlegri könnun hafa fyrirtækin sem skrifuðu undir viljayfirlýsingu Jafnvægisvogarinnar í fyrra aukið hlutfall kvenna í millistjórnendastöðum um 15% og stjórnendastöðum um 11%.

Stjórn og framkvæmdastjórn Varðar að meirihluta skipuð konum Vörður hefur skýra sýn og stefnu í jafnréttismálum sem tryggir sanngirni, jöfn tækifæri og kjör alls starfsfólks. Félagið hefur frá árinu 2014 starfrækt jafnlaunakerfi og hlotið Gullmerki PCW, jafnlaunavottun VR og jafnlaunamerki velferðarráðuneytisins, fyrst fjármálafyrirtækja.  Guðmundur Jóhann Jónsson, forstjóri Varðar, tók á móti viðurkenningu Jafnvægisvogarinnar á ráðstefnunni. Hann segir að Vörður leggi mikla áherslu á jafnréttismál í rekstri sínum og hafi skýra stefnu, markmið og aðgerðaráætlun til að tryggja jöfn tækifæri og kjör starfsfólks af báðum kynjum. „Stjórn og framkvæmdastjórn er að meirihluta skipuð konum og hlutfall millistjórnenda er nærri því að vera jafnt. Reynsla Varðar er að fjölbreytt samsetning mannauðs auki víðsýni, kalli fram ólík sjónarhorn og fjölbreytta nálgun verkefna svo ekki sé talað um almenna gleði og ánægju“ segir Guðmundur Jóhann.

asset-block-image

asset-block-image