Kortatryggingar Landsbankans

Vörður gefur út ferðatryggingar fyrir kreditkorthafa Landsbankans en mikilvægt er að kynna sér þær tryggingar sem fylgja kortunum áður en lagt er af stað í ferðalag.

Víða í heiminum þarf að greiða að fullu fyrir læknisþjónustu, lyf og annan kostnað. Án ferðatrygginga gæti óhapp á ferðalagi sett strik í reikninginn en til að vernda korthafa fyrir slíkum fjárhagslegum skakkaföllum eru ferðatryggingar innifaldar í kreditkortum Landsbankans. Hversu víðtækar tryggingarnar eru er þó misjafnt eftir kortategundum.

HVERNIG TEKUR FERÐATRYGGINGIN GILDI ?

Korthafar þurfa ekki að greiða fyrir ferðakostnað, fargjald eða gistingu á ferðalögum erlendis til að virkja hefðbundnar ferðatryggingar sem fylgja kreditkortum Landsbankans. Hins vegar virkjast tryggingar fyrir bílaleigubíla og tryggingar fyrir ferðalög innanlands ekki nema greitt sé með kortinu.HVERSU LENGI GILDIR TRYGGINGIN?

Mikilvægt er að ganga úr skugga um að tryggingarnar gildi meðan á ferðalaginu stendur. Þær gilda ýmist í 60 eða 90 daga frá brottför en allar tryggingar taka gildi þegar lagt er af stað í ferðalagið.

SLYS EÐA VEIKINDI Á FERÐALAGI

Ef alvarlegt slys eða veikindi verða erlendis skal hafa samband við:

SOS International neyðarþjónustuna Sími +(45) 70 10 5050.

Þar er vakt allan sólarhringinn þar sem sérþjálfað starfsfólk veitir aðstoð og þjónustu við að útvega lækni, sjúkrahúsavist, heimflutning og annað ef slys eða veikindi ber að höndum á ferðalagi.

Ekki er nauðsynlegt að fá sérstaka staðfestingu á tryggingu áður en haldið er af stað en komi til tjóns þarf að hafa kortanúmerið við hendina þegar tjónið er tilkynnt.

Sé um minniháttar slys eða veikindi að ræða bendum við á að hægt er að greiða sjálfur læknis- og lyfjakostnað og sækja um endurgreiðslu þegar heim er komið.

Góða ferð!