Vegna rekstrarstöðvunar Primera Air viljum við benda á að ferða- og kortatryggingar bæta því miður ekki tjón farþega vegna fjárhagserfiðleika eða gjaldþrots ferðaskrifstofu eða annarra slíkra aðila sem annast farþegaflutninga.

Frekari upplýsingar um réttindi farþega er hægt að kynna sér á heimasíðu Samgöngustofu. Þar má m.a. sjá umfjöllun um möguleika á endurgreiðslu, ýmist í gegnum kreditkortafyrirtæki eða ferðaskrifstofu, ef um alferð (samsett ferð þar sem flug og fleiri þjónustuþættir, s.s. gisting, eru seldir saman) er að ræða. Á heimasíðu Valitor má einnig finna upplýsingar um málið.

Hulda Guðjónsdóttir hlaut aðalvinninginn í Regluverðinum 2018. Þessi vinsæli golfleikur Varðar fór fram í sjötta skiptið í sumar og vann Hulda sér inn lúxusgolfferð fyrir tvo með Heimsferðum á hinn margrómaða Montecastillo völl á Spáni.

Í leiknum gafst þátttakendum færi á að kanna þekkingu sína á golfreglunum og gátu þeir sem stóðust prófið fengið hin eftirsóknarverðu Regluvarðar verðlaun.Yfir 30 þúsund tóku þátt í leiknum í sumar og hefur þátttakan aldrei verið meiri. Hulda var dregin út 20. ágúst sl. úr hópi þeirra sem tóku þátt. Hún á von á skemmtilegri ferð til Spánar í boði Varðar.

Vörður óskar Huldu innilega til hamingju með vinninginn og þakkar um leið öllum þeim sem tóku þátt í golfleiknum í sumar.