Samkvæmt kjarasamningum aðila vinnumarkaðarins ber atvinnurekendum að hafa í gildi slysatryggingar vegna þeirra launþega sem þeir hafa í vinnu. Slysatrygging þessi er mismunandi eftir því í hvaða stéttarfélagi launþegi er. Slysatrygging launþega gildir í vinnu og oftast á beinni leið til og frá vinnu, en í kjarasamningum sumra starfsstétta eru ákvæði um að vátryggingin gildi allan sólarhringinn.

Atvinnurekandi er gerður ábyrgur fyrir greiðslu bóta sem launþegi á rétt á úr slysatryggingu launþega sé hún ekki í gildi.